Նախիջևանիկ տներ

Ծրագիր՝ Նախիջեւանիկ

2020-ի աշնանը Հայաստանի Արցախ աշխարհի դեմ թուրք-ադրբեջանական հարձակումը հանգեցրեց հսկայական մարդկային աղետի եւ հազարավոր ընտանիքների տեղահանման:

«Սատարեք մեր հերոսներին» ՀԿ-ն ռազմավարական որոշում կայացրեց՝ իր ռեսուրսների զգալի մի մասը հատկացնել ադրբեջանցիների կողմից չգրավված Արցախի տարածքներ երիտասարդ, բազմազավակ ընտանիքների հայրենադարձության ջանքերին:

Մենք հասկանում ենք, որ հայրենադարձությունը շատ ավելի բարդ գործ է, քան պարզապես բնակարաններ կառուցելը եւ տների կարիք ունեցողներին վերաբնակեցնելը: Մենք գիտակցում ենք, որ իրենց կյանքի ձեռքբերումները, ունեցվածքը եւ ապրուստը կորցրած մարդկանց հայրենադարձության հետ կապված ջանքերի կառավարումը ավելի դժվարին է, քան այն, ինչ մենք կարող ենք իրականացնել, լինելով ընդամենը մեկ կազմակերպություն: Այնուամենայնիվ, օգտագործելով այս ոլորտում մեր 20 տարվա փորձը, մենք մտադիր ենք անել հնարավորը` վերստեղծելու մեր հայրենակիցների կյանքը, ովքեր տեղահանված էին իրենց հայրենի Ջրական, Քաշաթաղ, Մարտունի, Ասկերան, Մարտակերտ, Հադրութ եւ Շուշի շրջաններից: Հետեւաբար, ինչպես եւ մեր նախորդ նախագծերը, մենք հանձն ենք առնում կենտրոնանալ՝ մեր նախագծերի երկարաժամկետ արդյունավետության վրա:

Ի լրումն բազմաթիվ տների, որոնք մենք այժմ կառուցում եւ կահավորում ենք Արցախի տարբեր մասերում (տե՛ս «Արցախի ռազմավարական հայրենադարձություն» բաժինը մեր ծրագրերում), «Սատարեք մեր հերոսներին» ՀԿ-ը շուտով 16 տնվոր մոդել թաղամասի շինարարությանն է սկսելու Ասկերանի շրջանի Նախիջեւանիկ գյուղում: Համայնքը գտնվում է Ասկերան քաղաքից 7 կիլոմետր հեռավորության վրա, եւ ինչպես արցախյան շատ համայնքներ, տարրական ծառայությունների խիստ կարիքը ունի:

Նախիջեւանիկ նախագիծը մեզ համար խոշոր ձեռնարկություն է, եւ դրա իրականացման համար մեզ անհրաժեշտ են նյութական մեծ միջոցներ:

Հարգելի աջակից եւ մեր գործին ուխտակից, Նախիջեւանիկ նախագծի Ձեր ուղղակի ֆինանսական աջակցությունը մեր հաջողության բանալին է: Խնդրում ենք կապվել մեզ հետ՝ պարզելու, թե ինչպես կարող եք Նախիջեւանիկ նախագծում աջակցել Ձեր հովանավորելիք ընտանիքին:

Gallery

Links

Ներկայացում_Նախիջեվանիկ Թաղամաս