Շտապ օգնության մեքենա : 12.2018

20րդ դարու առաջին ցեղասպանութեան պատճառով հայերը դարձան աշխարհով մէկ սփռուած ժողովուրդ։ Այսօր հայաստանէն դուրս ապրող շատ աւելի հայ կայ քան ներկայ Հայաստանի սահմաններէն ներս։ Այդ սփռուած ազգի զաւակներէն մէկն է նաեւ Տիկին Տիրուհի Տէր Յովսէփեան, որ կը պատկանի ցեղասպանութենէն ճողոպրած առաջին սերունդին։ Ան ապաստան գտած է Արժանթինի Պուէնոս Այրէս քաղաքին մէջ։

Հակառակ ահռելի հերաւորութեան մայր հայրենիքէն, ան մշտապէս իր հոգիին մէջ պահած է հայկականութիւնը եւ կապը երբեք չէ խախտած հայրենիքիի հետ։ Մշտապէս մեծ սէր տածած է Հայոց բանակի նկատմամբ եւ այդ պատճառով իսկ, փափաքեցաւ $85,000 տոլարի իշխանական նուիրատուութիւն մը կատարել «Աջակցիր մեր հերոսներուն» ֆոնտին, որպէսզի մենք ալ մեր կարգին Հայոց բանակին ապահովենք շարժուն հիւանդանոցի համազօր Շտապ օգնութեան մեքենայ մը, որ կարողութիւնը ունի մինչեւ սահմանագիծ հասնելու ի պահանջեալ հարկին։

Այս շարժուն հիւանդանոցի մեքենան 4x4 Toyota Land Cruiser մըն է որը կը ներառնէ առաջատար կարգի շտապ օգնութեան կազմածներ եւ պիտոյքներ, 2 պատգարակներ, որոնցմէ մէկը ելեկտրական հոսանքով աշխատող իսկ միւսը թեթեւ պատգարակ մը յատկապէս առաջին գծի դիրքեր օգնութեան հասնելու համար, թթուածինի ամբողջական կազմածներ, սրտի վերականգնողական գործիքներ, (defibrillator), վերահսկող պաստար (monitor), ներարկման սարք (automatic injection pump), portable aspirator, 3 channel ECG, նախնական դարմանումի մասնագիտական սարք, եւ այլ տեսակի պիտանի կազմածներ՝ սահմանին կանգնած մեր զինուորին բուժ օգնութիւն հասցնելու համար։

Շարժուն այս հիւանդանոցը պաշտօնապէս յանձնուեցաւ մեր բանակին Դեկտեմբեր 2018ին։

2019 ամրան, երբ կ՚այցելէինք սահմանամերձ զօրամասերէն մէկը ուր այս մեքենան կը գործեր, մեզի տեղեկացուցին որ արդէն իսկ չորս երիտասարդներու կեանքը փրկած էր ան, սահմանէն տեղափոխելով վիրաւորները Ստեփանակերտ եւ ճամբուն տալով պէտք եղած խնամքը։

Տիկին Տիրուհիին նուիրատուութիւնը հայ երիտասարդներու կեանքեր կը փրկէ։

Gallery

Videos